World

ਕੈਨੇਡਾ : ਲੋਕਾਂ ਦਾ ਫੁੱਟਿਆ ਗੁੱਸਾ, ਦੋ ਹੋਰ ਕੈਥੋਲਿਕ ਚਰਚ ਕੀਤੇ ਅੱਗ ਦੇ ਹਵਾਲੇ

 

ਬ੍ਰਿਟਿਸ਼ ਕੋਲੰਬੀਆ: ਕੈਨੇਡਾ ਦੇ ਬ੍ਰਿਟਿਸ਼ ਕੋਲੰਬੀਆ ਸੂਬੇ ਵਿਚ ਦੋ ਕੈਥੋਲਿਕ ਚਰਚਾਂ ਨੂੰ ਅੱਗ ਦੇ ਹਵਾਲੇ ਕਰਨ ਦੇ ਕੁਝ ਦਿਨ ਬਾਅਦ ਸ਼ਨੀਵਾਰ ਸਵੇਰੇ ਸੂਬੇ ਦੇ ਗ੍ਰਹਿ ਅੰਦਰ ਦੋ ਹੋਰ ਕੈਥੋਲਿਕ ਚਰਚਾਂ ਨੂੰ ਸਾੜ ਦਿੱਤਾ ਗਿਆ।ਸੀ.ਬੀ.ਸੀ. ਨਿਊਜ਼ ਦੀ ਰਿਪੋਰਟ ਮੁਤਾਬਕ, ਲੋਅਰ ਸਿਮਿਲਕਾਮੈਨ ਇੰਡੀਅਨ ਬੈਂਡ ਦੇ ਚੀਫ ਕੀਥ ਕਰੋ ਨੇ ਕਿਹਾ ਕਿ ਉਹਨਾ ਨੂੰ ਸਵੇਰੇ 4 ਵਜੇ ਫੋਨ ਆਇਆ ਕਿ ਚੋਪਕਾ ਚਰਚ ਨੂੰ ਅੱਗ ਲੱਗੀ ਹੋਈ ਹੈ। ਜਦੋਂ ਉਹ ਲਗਭਗ 30 ਮਿੰਟ ਬਾਅਦ ਉੱਥੇ ਪਹੁੰਚੇ ਤਾਂ ਇਹ ਲੱਗਭਗ ਸੜ ਚੁੱਕੀ ਸੀ। 

 

ਕਰੋ ਨੇ ਕਿਹਾ ਕਿ ਇਸ ਮਗਰੋਂ ਉਹਨਾਂ ਨੂੰ ਹੇਡਲੇ ਨੇੜੇ ਅਪਰ ਸਿਮਲਕਾਮੀਨ ਇੰਡੀਅਨ ਬੈਂਡ ਦਾ ਫੋਨ ਆਇਆ ਕਿ ਉਸ ਰਿਜ਼ਰਵ ‘ਤੇ ਵੀ ਇਕ ਚਰਚ ਸੜ ਗਿਆ ਹੈ।ਅਪਰ ਸਿਮਲਕਾਮਿਨ ਇੰਡੀਅਨ ਬੈਂਡ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਕਿ ਸੇਂਟ ਐਨਜ਼ ਚਰਚ ਰਾਤੋ ਰਾਤ ਤਬਾਹ ਹੋ ਗਿਆ ਸੀ ਅਤੇ ਬੈਂਡ ਦੇ ਇਕ ਨੁਮਾਇੰਦੇ ਨੇ ਕਿਹਾ ਕਿ ਫਿਲਹਾਲ ਅਧਿਕਾਰੀ ਅੱਗ ਵਾਲੀ ਜਗ੍ਹਾ ‘ਤੇ ਰਾਇਲ ਕੈਨੇਡੀਅਨ ਮਾਊਂਟਿਡ ਪੁਲਸ (RCMP) ਨਾਲ ਕੰਮ ਕਰ ਰਹੇ ਹਨ।


 

ਆਰ.ਸੀ.ਐਮ.ਪੀ. ਨੇ ਇੱਕ ਲਿਖਤੀ ਬਿਆਨ ਵਿਚ ਕਿਹਾ ਕਿ ਅੱਗ ਲੱਗਣ ਦੀਆਂ ਦੋਵੇਂ ਘਟਨਾਵਾਂ ਸ਼ਨੀਵਾਰ ਸਵੇਰੇ ਇਕ ਘੰਟੇ ਦੇ ਅੰਦਰ ਸ਼ੁਰੂ ਹੋਈਆਂ। ਉਨ੍ਹਾਂ ਨੇ ਕਿਹਾ ਕਿ ਚੋਪਕਾ ਚਰਚ ਦੀ ਅੱਗ ਨੇੜਲੇ ਖੇਤਰ ਤੱਕ ਫੈਲ ਗਈ ਸੀ ਪਰ ਬੀ ਸੀ ਵਾਈਲਡਫਾਇਰ ਦੇ ਅਮਲੇ ਨੇ ਅੱਗ ਦੇ ਫੈਲਣ ਤੋਂ ਪਹਿਲਾਂ ਹੀ ਉਸ ‘ਤੇ ਕਾਬੂ ਪਾ ਲਿਆ।ਇਸ ਦੌਰਾਨ ਕਰੋ ਨੇ ਕਿਹਾ ਕਿ ਉਹਨਾਂ ਵੱਲੋਂ ਦੇ ਮਾਮਲੇ ਦੀ ਜਾਂਚ ਜਾਰੀ ਹੈ। ਸੀ.ਬੀ.ਸੀ. ਨਿਊਜ਼ ਦੀ ਰਿਪੋਰਟ ਮੁਤਾਬਕ, ਆਰ.ਸੀ.ਐਮ.ਪੀ. ਨੇ ਕਿਹਾ ਕਿ ਉਹ ਸ਼ਨੀਵਾਰ ਨੂੰ ਲੱਗੀ ਅੱਗ ਨੂੰ ਸ਼ੱਕੀ ਮੰਨ ਰਹੇ ਹਨ ਅਤੇ ਓਕਾਨਾਗਨ ਚਰਚ ਦੀ ਅੱਗ ਦੇ ਕਿਸੇ ਵੀ ਸੰਭਾਵਿਤ ਸੰਬੰਧ ਦੀ ਜਾਂਚ ਕਰ ਰਹੇ ਹਨ।  

ਇਹ ਘਟਨਾ ਕੈਨੇਡਾ ਦੇ ਸਸਕੈਚਵਾਨ ਸੂਬੇ ਵਿਚ ਸਵਦੇਸ਼ੀ ਬੱਚਿਆਂ ਲਈ ਇੱਕ ਸਾਬਕਾ ਰਿਹਾਇਸ਼ੀ ਸਕੂਲ ਦੀ ਜਗ੍ਹਾ ‘ਤੇ 751 ਨਿਸ਼ਾਨ ਰਹਿਤ ਕਬਰਾਂ ਦੇ ਮਿਲਣ ਦੇ ਕੁਝ ਦਿਨਾਂ ਬਾਅਦ ਵਾਪਰੀ, ਜੋ ਕਿ ਇੱਕ ਮਹੀਨੇ ਤੋਂ ਵੀ ਘੱਟ ਸਮੇਂ ਵਿਚ ਇੱਥੇ ਦੂਜੀ ਖੋਜ ਹੋਈ ਹੈ ਕਿਉਂਕਿ ਦੇਸ਼ ਆਪਣੇ ਇਤਿਹਾਸ ਦੇ ਸਭ ਤੋਂ ਕਾਲੇ ਅਧਿਆਵਾਂ ਦਾ ਸਾਹਮਣਾ ਕਰਦਾ ਹੈ।ਇਹ ਖੋਜ ਕੈਨੇਡਾ ਦੇ ਕਮਲੂਪਸ ਸ਼ਹਿਰ ਨੇੜੇ 1978 ਵਿਚ ਬੰਦ ਹੋਏ ਇਕ ਸਕੂਲ ਸਾਈਟ ‘ਤੇ 215 ਬੱਚਿਆਂ ਦੇ ਵੱਡੇ ਪੱਧਰ ‘ਤੇ ਦਫ਼ਨਾਉਣ ਦੇ ਇਕ ਮਹੀਨੇ ਤੋਂ ਵੀ ਘੱਟ ਸਮੇਂ ਬਾਅਦ ਹੋਈ, ਜਿਨ੍ਹਾਂ ਵਿਚੋਂ ਕੁਝ ਤਿੰਨ ਸਾਲ ਦੇ ਛੋਟੇ ਸਨ। ਕਬਰਾਂ ਦੀ ਖੋਜ ਤੋਂ ਬਾਅਦ, ਇਨ੍ਹਾਂ ਮੌਤਾਂ ਦੀ ਸਥਿਤੀ ਅਤੇ ਜਵਾਬਦੇਹੀ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਗਈ ਹੈ। 19ਵੀਂ ਸਦੀ ਦੌਰਾਨ ਸਵਦੇਸ਼ੀ ਬੱਚਿਆਂ ਲਈ ਕੈਨੇਡੀਅਨ ਸਕੂਲਿੰਗ ਸਿਸਟਮ ਦੇ ਤਹਿਤ ਘੱਟੋ ਘੱਟ 150,000 ਵਿਦਿਆਰਥੀਆਂ ਨੂੰ ਜ਼ਬਰੀ ਆਪਣੇ ਪਰਿਵਾਰਾਂ ਤੋਂ ਵੱਖ ਕਰ ਦਿੱਤਾ ਗਿਆ ਅਤੇ ਰਿਹਾਇਸ਼ੀ ਸਕੂਲਾਂ ਵਿਚ ਕੈਦ ਕੀਤਾ ਗਿਆ। ਇਹ ਅਨੁਮਾਨ ਲਗਾਇਆ ਜਾਂਦਾ ਹੈ ਕਿ ਅਜਿਹੇ ਸਕੂਲਾਂ ਵਿਚ 6,000 ਬੱਚਿਆਂ ਦੀ ਮੌਤ ਹੋਈ ਹੋ ਸਕਦੀ ਹੈ।