India News

ਪੰਜਾਬ ‘ਚ ਸਿਰਫ 350 ਐੱਨ. ਆਰ. ਆਈ. ਪਾ ਸਕਣਗੇ ਵੋਟ

ਨਵੀਂ ਦਿੱਲੀ— ਬੀਤੀ ਰਾਤ ਲੋਕਸਭਾ ਦੇ ਨਾਲ ਪ੍ਰਵਾਸੀ ਭਾਰਤੀਆਂ ਨੂੰ ਪ੍ਰੌਕਸੀ ਰਾਹੀਂ ਵੋਟ ਪਾਉਣ ਦੀ ਸਹੂਲਤ ਦਿੱਤੀ ਗਈ ਹੈ। ਅਗਲੀਆਂ ਚੋਣਾਂ ‘ਚ ਪੰਜਾਬ ‘ਚ ਤਬਦੀਲੀ ਦੀ ਸੰਭਾਵਨਾ ਹੈ। ਸੰਭਵ ਹੈ ਕਿ ਇਹ ਤਬਦੀਲੀ ਵੱਡੇ ਪੈਮਾਨੇ ‘ਤੇ ਨਹੀਂ ਹੋਵੇਗੀ ਕਿਉਂਕਿ ਸਿਰਫ 350 ਭਾਰਤੀਆਂ ਨੂੰ ਪੰਜਾਬ ‘ਚ ਵੋਟਰਾਂ ਵਜੋ ਰਜਿਸਟਰਡ ਕੀਤਾ ਗਿਆ ਹੈ। ਰਜਿਸਟਰੇਸ਼ਨ ਸਿਰਫ ਭਾਰਤੀ ਪਾਸਪੋਰਟ ਧਾਰਕਾਂ ਲਈ ਕੀਤੀ ਜਾ ਸਕਦੀ ਹੈ, ਜਿਨ੍ਹਾਂ ਨੇ ਕਿਸੇ ਹੋਰ ਦੇਸ਼ ਦੀ ਨਾਗਰਿਕਤਾ ਹਾਸਿਲ ਨਹੀਂ ਕੀਤੀ ਹੋਵੇਗੀ।

ਨਿਯਮਾਂ ਮੁਤਾਬਕ ਚੋਣਾਂ ਦੇ ਦਿਨਾਂ ‘ਚ ਵੋਟਰਾਂ ਦੇ ਆਪਣੇ ਮਤਦਾਨ ਕੇਂਦਰ(ਭਾਰਤ ‘ਚ) ਵਿਦੇਸ਼ੀ ਵੋਟਰਾਂ ਦੀ ਸਰੀਰਕ ਮੌਜੂਦਗੀ ਨਿਰਧਾਰਿਤ ਕਰਦੇ ਹਨ। ਲੋਕ ਸਭਾ ਨੇ ਬੀਤੇ ਦਿਨ ਸ਼ਾਮ ਨੂੰ ਲੋਕ ਪ੍ਰਤੀਨਿਧਤਾ ਐਕਟ 1951 ਵਿਚ ਸੋਧ ਕਰਨ ਲਈ ਇਕ ਬਿੱਲ ਪਾਸ ਕੀਤਾ ਸੀ ਤਾਂ ਜੋ ਵਿਦੇਸ਼ਾਂ ‘ਚ ਵੋਟਰ ਆਪਣੇ ਚੋਣ ਵਿਚ ਵੋਟ ਪਾਉਣ ਲਈ ਪ੍ਰੌਕਸੀ ਨਿਯੁਕਤ ਕਰਨ ਦੇ ਯੋਗ ਹੋ ਸਕਣ। ਇਸ ਐਕਟ ਨੂੰ ਸਮਝਣ ਤੋਂ ਪਹਿਲਾਂ ਰਾਜ ਸਭਾ ਨੇ ਇਸ ਬਿੱਲ ਨੂੰ ਪ੍ਰਵਾਨਗੀ ਦੇਣੀ ਹੋਵੇਗੀ।

ਚਰਚਾ ‘ਚ ਕੁਝ ਮੈਂਬਰਾਂ ਵੱਲੋਂ ਭਾਰਤ ‘ਚ ਪ੍ਰਵਾਸੀ ਮਜ਼ਦੂਰਾਂ ਦੇ ਸਾਹਮਣੇ ਵੋਟਿੰਗ ਨੂੰ ਲੈ ਕੇ ਆਉਣ ਵਾਲੀਆਂ ਸਮੱਸਿਆਵਾਂ ਦਾ ਮੁੱਦਾ ਚੁੱਕਣ ਵਾਲੇ ਕੇਂਦਰੀ ਮੰਤਰੀ ਪ੍ਰਸਾਦ ਨੇ ਕਿਹਾ ਕਿ ਚੋਣ ਕਮਿਸ਼ਨ ਨੇ ਇਕ ਕਮੇਟੀ ਬਣਾਈ ਹੈ, ਜੋ ਇਸ ਵਿਸ਼ੇ ‘ਚ ਅਧਿਐਨ ਕਰ ਰਹੀ ਹੈ।
ਉਨ੍ਹਾਂ ਨੇ ਕਿਹਾ ਬਿੱਲ ਪਾਸ ਹੋਣ ਨਾਲ ਵਿਦੇਸ਼ ‘ਚ ਵਸੇ ਕਰੋੜਾਂ ਪਰਵਾਸੀ ਭਾਰਤੀਆਂ ਨੂੰ ਦੇਸ਼ ਦੀ ਚੋਣ ਪ੍ਰਕਿਰਿਆ ‘ਚ ਸ਼ਾਮਲ ਹੋਣ ‘ਚ ਬਹੁਤ ਮਦਦ ਮਿਲੇਗੀ। ਹੁਣ ਵਿਦੇਸ਼ ‘ਚ ਵਸੇ ਭਾਰਤੀ ਦੇਸ਼ ‘ਚ ਆਏ ਬਿਨਾਂ ਹੀ ਆਪਣੇ ਵੱਲੋਂ ਨਿਰਧਾਰਿਤ ਪ੍ਰਤੀਨਿਧੀ ਰਾਹੀਂ ਵੋਟ ਪਾ ਸਕਣਗੇ। ਪ੍ਰੌਕਸੀ ਵੋਟਿੰਗ ‘ਤੇ ਸੰਸਦ ਮੈਂਬਰਾਂ ਦੇ ਸਵਾਲਾਂ ਦਾ ਜਵਾਬ ਦਿੰਦੇ ਹੋਏ ਕੇਂਦਰੀ ਮੰਤਰੀ ਪ੍ਰਸਾਦ ਨੇ ਹੇਠਲੇ ਸਦਨ ‘ਚ ਕਿਹਾ, ”ਪ੍ਰੌਕਸੀ ਨੂੰ ਲੈ ਕੇ ਸਾਨੂੰ ਪਰਵਾਸੀ ਭਾਰਤੀਆਂ ‘ਤੇ ਭਰੋਸਾ ਕਰਨਾ ਚਾਹੀਦਾ ਹੈ।’