UK News

ਬ੍ਰਿਟੇਨ ਨੇ ਜੋ ਲੋਮਾਸ ਨੂੰ ਨਵੇਂ ਰਾਸ਼ਟਰਮੰਡਲ ਦੂਤ ਦੇ ਰੂਪ ਵਜੋਂ ਕੀਤਾ ਨਾਮਜ਼ਦ

ਲੰਡਨ – ਬ੍ਰਿਟਿਸ਼ ਡਿਪਲੋਮੈਟ ਜੋ ਲੋਮਾਸ ਅਗਲੇ ਮਹੀਨੇ ਤੋਂ ਬ੍ਰਿਟੇਨ ਦੇ ਨਵੇਂ ਰਾਸ਼ਟਰਮੰਡਲ ਦੂਤ ਦੇ ਰੂਪ ਵਜੋਂ ਕੰਮ ਸੰਭਾਲਣਗੇ। ਸਰਕਾਰ ਨੇ ਸੋਮਵਾਰ ਨੂੰ ਐਲਾਨ ਕੀਤਾ। ਰਾਸ਼ਟਰਮੰਡਲ ਭਾਰਤ ਸਮੇਤ 54 ਮੈਂਬਰ ਦੇਸ਼ਾਂ ਵਲੋਂ ਬਣਆ ਇੱਕ ਰਾਜਨੀਤਕ ਸੰਘ ਹੈ, ਜਿਸ ਦਾ ਮੁੱਖ ਦਫ਼ਤਰ ਲੰਡਨ ਵਿੱਚ ਹੈ। ਬ੍ਰਿਟੇਨ ਦੇ ਵਿਦੇਸ਼, ਰਾਸ਼ਟਰਮੰਡਲ ਅਤੇ ਵਿਕਾਸ ਦਫ਼ਤਰ (ਐੱਫ.ਸੀ.ਡੀ.ਓ.) ਨੇ ਕਿਹਾ ਕਿ ਲੋਮਾਸ ਰਾਸ਼ਟਰਮੰਡਲ ਦੇਸ਼ਾਂ ਦੇ 2.4 ਅਰਬ ਲੋਕਾਂ ਲਈ “ਨਿਰਪੱਖ, ਸੁਰੱਖਿਅਤ, ਜ਼ਿਆਦਾ ਸੰਪੰਨ ਅਤੇ ਖੁਸ਼ਹਾਲ ਭਵਿੱਖ” ਬਣਾਉਣ ਲਈ ਬ੍ਰਿਟੇਨ ਦੇ ਕੰਮਾਂ ਦਾ ਅਗਵਾਈ ਕਰਨਗੇ।

50 ਸਾਲਾ ਲੋਮਾਸ ਹਾਲ ਹੀ ਵਿੱਚ ਰਵਾਂਡਾ ਲੋਕ-ਰਾਜ ਵਿੱਚ ਬ੍ਰਿਟੇਨ ਦੇ ਹਾਈ ਕਮਿਸ਼ਨਰ ਅਤੇ ਨਾਮੀਬੀਆ ਗਣਰਾਜ ਵਿੱਚ ਦੇਸ਼ ਦੇ ਸਾਬਕਾ ਹਾਈ ਕਮਿਸ਼ਨਰ ਰਹਿ ਚੁੱਕੇ ਹਨ। ਉਹ ਇੱਕ ਅਕਤੂਬਰ ਨੂੰ ਫਿਲੀਪ ਪਰਹਮ ਤੋਂ ਅਹੁਦਾ ਸੰਭਾਲਣਗੇ। ਵਿੰਬਲਡਨ ਦੇ ਸੰਸਦ ਅਤੇ ਐੱਫ.ਸੀ.ਡੀ.ਓ. ਦੇ ਦੱਖਣੀ ਏਸ਼ੀਆ ਮਾਮਲਿਆਂ ਦੇ ਮੰਤਰੀ ਤਾਰਿਕ ਅਹਿਮਦ ਨੇ ਜੋ ਲੋਮਾਸ ਦੀ ਨਿਯੁਕਤੀ ਦਾ ਐਲਾਨ ਕੀਤਾ ਹੈ। ਉਨ੍ਹਾਂ ਕਿਹਾ, ‘‘ਜੋ ਇਸ ਮਹੱਤਵਪੂਰਣ ਕੰਮ ਨੂੰ ਅੱਗੇ ਵਧਾਉਣ ਲਈ ਆਸਾਧਾਰਣ ਤੌਰ ‘ਤੇ ਯੋਗ ਹੈ ਅਤੇ ਮੈਂ ਉਨ੍ਹਾਂ ਦੇ ਨਾਲ ਕੰਮ ਕਰਨ ਲਈ ਉਤਸ਼ਾਹਿਤ ਹਾਂ ਕਿਉਂਕਿ ਅਸੀਂ ਦੇਸ਼ਾਂ ਦੇ ਇਸ ਵਿਲੱਖਣ ਪਰਿਵਾਰ ਪ੍ਰਤੀ ਬ੍ਰਿਟੇਨ ਦੀ ਵਚਨਬੱਧਤਾ ਨੂੰ ਕਾਇਮ ਰੱਖਦੇ ਹਾਂ।”