World

ਕੈਨੇਡਾ : ਪਾਰਕ ‘ਚ ਬੈਠੀਆਂ ਪੰਜਾਬਣ ਬੀਬੀਆਂ ‘ਤੇ ਇਕ ਗੋਰੇ ਜੋੜੇ ਵੱਲੋਂ ਨਸਲੀ ਹਮਲਾ

ਨਿਊਯਾਰਕ/ਸਰੀ : ਬੀਤੇ ਦਿਨੀਂ ਕੈਨੇਡਾ ਦੇ ਪੰਜਾਬੀਆਂ ਦੀ ਸੰਘਣੀ ਆਬਾਦੀ ਵਾਲੇ ਸ਼ਹਿਰ ਸਰੀ ਵਿਚ ਸਥਿਤ ਇੱਕ ਪਾਰਕ ਵਿੱਚ ਪੰਜਾਬੀ ਬੀਬੀਆਂ ‘ਤੇ ਇੱਕ ਗੋਰੇ ਜੋੜੇ ਵੱਲੋਂ ਨਸਲੀ ਹਮਲਾ ਕੀਤਾ ਗਿਆ। ਉਹਨਾਂ ਵੱਲੋਂ ਪੰਜਾਬੀ ਬਜ਼ੁਰਗ ਬੀਬੀਆਂ ‘ਤੇ ਕੂੜਾ ਸੁੱਟਿਆ ਗਿਆ ਅਤੇ ਉਹਨਾਂ ਨੂੰ ਗਾਲਾਂ ਕੱਢੀਆਂ ਗਈਆਂ।

ਇਸ ਨਸਲੀ ਮਾਮਲੇ ਨੂੰ ਉਹਨਾਂ ਦੇ ਪਰਿਵਾਰ ਵੱਲੋਂ ਆਰਸੀਐਮਪੀ ਦੇ ਧਿਆਨ ਵਿੱਚ ਲਿਆਂਦਾ ਗਿਆ ਹੈ ਪਰ ਹਾਲੇ ਤੱਕ ਕੋਈ ਕਾਰਵਾਈ ਨਹੀਂ ਹੋਈ। ਇਹ ਮਾਮਲਾ ਲੰਘੇ ਬੁੱਧਵਾਰ ਦਾ ਹੈ ਜਦੋਂ ਗੋਰੇ ਜੋੜੇ ਨੇ ਇੰਨਾਂ ਬਜ਼ੁਰਗ ਬੀਬੀਆਂ ਵੱਲੋਂ ਇੰਗਲਿਸ਼ ਨਾ ਬੋਲਣ ਕਰਕੇ ਗਾਲੀ ਗਲੋਚ ਕੀਤੀ ਅਤੇ ਉਹਨਾਂ ‘ਤੇ ਕੂੜਾ ਵੀ ਸੁੱਟਿਆ। ਇਸ ਦੇ ਨਾਲ ਹੀ ਉਹਨਾਂ ਨੂੰ ਵਾਪਸ ਭਾਰਤ ਚਲੇ ਜਾਣ ਲਈ ਵੀ ਕਿਹਾ ਗਿਆ ਸੀ। ਉਹਨਾਂ ਵੱਲੋ ਅੰਗਰੇਜ਼ੀ ਵਿਚ ਗਾਲੀ ਗਲੋਚ ਕਰਨ ਵੇਲੇ ਪੰਜਾਬੀ ਬੀਬੀਆਂ ਨਾਲ ਉਹਨਾਂ ਦੇ ਇੱਥੇ ਪੜ੍ਹ ਰਹੇ ਪੋਤੇ-ਪੋਤਰੀਆਂ ਵੀ ਨਾਲ ਸਨ। ਜੋ ਪੂਰੀ ਤਰ੍ਹਾਂ ਉਹਨਾਂ ਵੱਲੋਂ ਅੰਗਰੇਜ਼ੀ ਵਿਚ ਕੱਢੀਆਂ ਗਾਲਾਂ ਸਮਝਦੇ ਸਨ।